भारतले नाकाबन्दी खोल्छु भन्दा पनि नेपालका दलहरुले खोल्न दिएनन २०७२ मंसिर २८ गते ६:३९ मा प्रकाशित 1824 9 0 Bhairahawa-Naka २८ मंसिर, काठमाडौं ।नाकाबन्दी र मधेस समस्या समाधानबारे छलफल गर्न उपप्रधानमन्त्री तथा परराष्ट्रमन्त्री कमल थापा दुईपटक भारत गए । थापा फर्किएपछि मोर्चाका नेताहरूले भारत भ्रमण गरे । थापाले बुझाएको तीनबुँदे प्रस्ताव भारतीय पक्षबाट मोर्चाका नेताको हातमा पुगेपछि मोर्चाले आफ्नो धारणा बनाउन नसकेको नयाँ पत्रिकामा खबर छ । तर, भारतले सहमति गर्न मोर्चालाई दबाब दिइरहेको छ । मोर्चा नेताहरूको भारत भ्रमणको वेला भारतीय विदेशमन्त्री सुष्मा स्वराजले र फर्किएपछि नेपालका लागि भारतीय राजदूत रणजित रायले शनिबार दूतावासमा ‘लन्च मिटिङ’ राखेर सहमति गर्न सुझाब दिएका थिए । तर, उनीहरूको अडान स्पष्ट भएको छैन । सहमति गर्न भारतले दबाब दिँदै नाकाखोल्छु भने पनि नेपालका दलहरूका कारणा नाका सूचारू हुन सकेको छैन् ।

२०७२ मंसिर २८ गते १४:२० मा प्रकाशित

 5  1 

  1

कपिल ज्ञवाली

२८ मंसिर, बुटवल । नयाँ शक्ति निर्माणका संयोजक डा. बाबुराम भट्टराईले नयाँ शक्तिमा ६० प्रतिशत नयाँ अनुहार आउने बताएका छन् । मुलुकको असहज परिस्थितिले नयाँ शक्तिलाई पार्टीमा रुपान्तरण गर्न केही ढिलाई हुनेसमेत उनले बताए ।

‘नयाँ शक्तिमा ६० प्रतिशत राजनीति नगरेका र युवा पंक्तिका नयाँ अनुहार हुनेछन्,’ सोमबार बुटवलमा आयोजित पत्रकार भेटघाटमा भट्टराईले भने, ‘नयाँ शक्तिलाई सोंच, विचार, कार्यशैली सबै हिसाबले जगैदेखि नयाँ बनाउने प्रयत्न हुनेछ ।’

भट्टराईले मुलुकको असहज परिस्थितिलाई समाधान गर्न आफू संवेदनशील रहेको बताए । उनले मधेसी मोर्चासँग सरकारले गर्ने वार्ता सार्थक बनाउन आफूले सहयोगी भूमिका खेल्ने बताए ।

पूर्वप्रधानमन्त्री समेत रहेका नेता भट्टराईले मधेस आन्दोलन ४ महिनासम्म जारी रहँदा पनि समाधान निस्कन नसक्दा मुलुकको अर्थतन्त्र चौपट भएको र जनजीवन कष्टकर भएकाले छिटो समाधान निकाल्न आफूले सहयोग गर्ने बताए ।

सरकार मधेसी मोर्चाका जायज मागलाई सम्बोधन गरी छिटो निकास दिन गम्भीर नभएको भन्दै भट्टराईले यही अवस्था लम्बिँदै गए स्थिति नियन्त्रण बाहिर जानसक्ने चेतावनी दिए ।

मधेसी मोर्चा, थरुहट, आदिवासीलगायतका माग र आन्दोलनलाई आन्तरिकरुपमै वार्ता गरेर समाधान गर्नुपर्नेमा जोड दिँदै भट्टराईले विदेशीलाई दोष लगाएर समाधान ननिस्कने प्रष्ट पारे ।

भट्टराईले मधेसी मोर्चालाई पनि दिल्लीसँग नभई नेपाल सरकार र यहाँका दलसँग वार्ता गरेर सहमतिमा पुग्न आग्रह गरे ।