८ पुस, रौतहट । रौतहटको गरुडामा मधेसी मोर्चाका कार्यकर्ताले रोकेर राखेको ट्रकमा आगजनी गरेका छन् । मंगलबार राति गरुडा नगरपालिका २ मा घर अगाडि रोकेर राखेको ना ३ ख १७० नम्बरको ट्रकमा मोर्चाका कार्यकर्ताले आगजनी गरेका हुन् ।
विर्तालक्ष्मीपुरका उमाशंकर जैशवालको ट्रकमा आगजनी भएको र उक्त ट्रकमा मीठा (गुलियो पदार्थ) लोड गरिएको प्रहरीले जनाएको छ । जैशवालले रोकेको आफ्नो ट्रकमा आगजनी गरेको बताएका छन् ।
सामान लोड गरिएको ट्रकका विषयमा मोर्चाका कार्यकर्ता र व्यवसायीबीच कुरा नमिलेका कारण आगजनी भएको हुनसक्ने प्रहरीको आशंका छ । घटनाका बारेमा अनुसन्धान भइरहेको प्रहरीले जनाएको छ ।
आगजनीबाट ट्रकको अगाडिको भाग जलेको छ भने लोड गरिएको सामान सुरक्षित रहेको छ ।
No comments:
Post a Comment