बलिउड फिल्म जसले सानो लगानीमा ठूलो व्यापार गरे

भारतमा हरेक वर्ष एक हजारको हाराहारीमा फिल्म बन्ने गरेको छ । सलमान खान, शाहरुख खान, आमिर खान जस्ता सुपरस्टारहरुले अभिनय गरेका फिल्म जति फाल्तु भए पनि मिडियामा राम्रै स्थान पाउछन् र दर्शक पनि मनग्गे बटुल्छन् ।  तर, यहाँ केही साना बजेटका फिल्मको सूची छ, जसमा ठूला स्टारहरु छैनन्, तर धेरै कमाई गरेका छन् ।

हेट स्टोरी ३ः विशाल पाण्डेयको निर्देशनमा बनेको ‘हेट स्टोरी-३’ १३.२ करोड रुपैयामा बनेको थियो । फिल्म रिलिज अघिसम्म धेरैले यसलाई वेवास्ता गरेका थिए ।

हिरोईनलाई भद्दा अंग प्रदर्शन गराएर ब्यापार गर्न खोजेको आरोप समेत लाग्यो । तर, फिल्मको विषय बोल्ड मात्रै हैन, रोचक पनि थियो । लगानीको तीन गुणाभन्दा बढी कमाई गरेपछि प्रसंसा गर्नेहरु धेरै भए । उक्त फिल्मले ५३.५ करोड कमाई गरेको थियो ।

किस किसको प्यार करुँः कमेडियन कपिल शर्माको मुख्य भुमिका रहेको किस किसको प्यार करुँलाई पनि रिलिज हुनु अघिसम्म धेरैले सानो बजेटको फिल्म भनेर टिप्पणी गरेका थिए । अब्बास-मस्तानको निर्देशन रहेको उक्त फिल्ममा कपिलका अतिरिक्त एली अवराम, मञ्जरी फडनिस, अरबाज खान, साई लोकुर लगायतका कलाकारले अभिनय गरेका छन् । जम्मा ११ करोड लगानीमा बनेको उक्त फिल्मले ४६.२५ करोड ब्यापार गरेको थियो ।

प्यारका पञ्चनामाः लभ रञ्जनको निर्देशन रहेको प्यारका पञ्चनामामा पुराना र चलेका कलाकार एकजना पनि छैनन् । कात्तिक आर्यन, नुशरत भरुचा, सोनाली सहगल, ईशिता राज शर्मा ओमकार कपुर जस्ता कलाकारले अभिनय गरेको यो फिल्मको लागत १८ करोड थियो । ६२ करोड कमाई गरेर चलेका कलाकार अभिनित फिल्मलाई यसले चुनौति दिएको थियो ।

तनु वेड्स मनु रिटन्र्सः दर्शकले निकै मन पराएको अर्को फिल्म थियो तनु वेड्स मनु रिर्टन्स । कंगना रनौत र आर माधवनको मुख्य भुमिका रहेको यो फिल्मको लागत ३१ करोड थियो । तर, फिल्मले १५२ करोड ब्यापार गरेको थियो । आनन्द एल रायको निर्देशन रहेको यो फिल्मवाट कंगनाले निकै प्रसंसा पाएकी थिईन् ।

पिकुः दीपिका पादुकोण र अमिताभ बच्चनको मुख्य भुमिका रहेको पिकुको लगानी ३५ करोड मात्रै हो । तर, यसले ७९.९२ करोड ब्यापार गरेको थियो । आर बाल्कीको निर्देशन रहेको उक्त फिल्ममा अभिनय गरेपछि दीपिकाको अभिनयको निकै तारिफ भएको थियो । अभिताभ र दीपिकाको अतिरिक्त इरफान खानले मुख्य भुमिका निर्वाह गरेका थिए ।

बदलापुरः भनिन्छ नवाजुद्दिन सिद्दिकीलाइ उचाईमा पुर्‍याउने काम चलचित्र बद्लापुरले गरेको थियो । २५ करोड लागतमा बनेको उक्त फिल्मले ५१ करोड कमाई गरेको थियो ।

श्रीराम राघवनको निर्देशनमा बनेको यस फिल्ममा बरुण धवन, यामी गौतम, नवाजुद्दिन सिद्दिकी, राधिका अप्टे लगायतका कलाकारले अभिनय गरेका थिए ।

दम लगाकी हासियाः दम लगाकी हासियाको प्रोमो रिलिज हुँदै गर्दा नायिकाको मोटो ज्यानको वारेमा टिका टिप्पणी भएको थियो । शरत कटारियाको निर्देशनमा बनेको यस फिल्ममा आयुष्मान खुराना र भुमि पेडणेकरले मुख्य भुमिका निर्वाह गरेका छन् । १५ करोडमा बनेको यस फिल्मले ३० करोड ब्यापार गरेको थियो ।

तलवारः मेघना गुलजारको निर्देशन रहेको तलवारको लगानी २२ करोड थियो तर, फिल्मको कमाई २८.२० करोड थियो । इरफान खान, कोकणर्ा सेन शर्मा, नीरज काबी, सोहम शाह लगायतका कलाकारले अभिनय गरेका थिए ।

हन्टरः गुलशन देवैया र राधिका आप्टेको मुख्य भुमिका रहेको हन्टरमा राखिएका केही दृष्यको कारण राधिकाको आलोचना समेत भएको थियो । हर्षबर्धन जी कुलकणर्ीको निर्देशन रहेको यस फिल्म ६ करोडमा बनेको थियो भने १३.५० करोड ब्यापार गरेको थियो ।