६ पुस, काठमाडौं । स्पेनिस ला लिगा फुटबलमा रियल मड्रिडले रायो भालोकानोविरुद्ध शानदार जित हात पारेको छ ।
आइतबार राति भएको खेलमा रियल मड्रिडले ९ खेलाडीमा सिमित भालेकानोलाई १०-२ गोल अन्तरले पराजित गरेको हो । जितसँगै मड्रिडले लिग लिडर बार्सिलोनासँगको अंक दुरी २ मा झारेको छ ।
खेलमा तेस्रो मिनेटमा डानिलोको गोलबाट अग्रता लिएको थियो । तर, १० औं मिनेटमा रायो भालेकानोका अमायाले बराबरी गोल फर्काए भने दुई मिनेटभित्रै सान्चेज रुइजले गोल गर्दै अग्रता दिलाए ।
तर, १४ औं मिनेटमा टीटोले रातो कार्ड पाए । २५ औं मिनेटमा ग्यारेथ बेलले बराबरी गोल फर्काए ।२८ औं मिनेटमा बाइनाले रातो कार्ड पाए भने रियल मड्रिडले पेनाल्टी , जसमा रोनाल्डोले पेनाल्टीमा सहज गोल गर्दै टीमलाई अग्रता दिलाए ।
रायो भालेकानो १० खेलाडीमा सिमित भएपछि रियल मड्रिडले गोलको वर्षा नै गर्यो । ४१ औं मिनेटमा बेलले दोस्रो गोल गर्दै पहिलो हाफमा रियल मडि्रडलाइै ४-२ को अग्रता दिलाए ।
दोस्रो हाफको ४८ औं मिनेटमा बेन्जिमाले गोल गरे भने ५३ औं मिनेटमा रोनाल्डोले दोस्रो गोल गरे । ६१ औं मिनेटमा बेलले हृयाट्रिक पुरा गरेका वेलले ७० औं मिनेटमा चौथो गोल गरे ।
७९ र ९० औैं मिनेटमा गोल गर्दै बेन्जिमाले पनि हृयाट्रिक पुरा गर्दा रियल मड्रिड १०-२ ले विजयी भएको छ ।
जितपछि रियल मड्रिड १६ खेलबाट ३३ अंकसहित अंक तालिकाको तेस्रो स्थानमा छ भने लिग लिडर बार्सिलोनाको ३५ अंक छ र, उसले एक खेल कम खेेलेको छ ।
No comments:
Post a Comment