६ पुस, काठमाडौं । हमिल्टन टेष्टमा ५ विकेटको जित हात पार्दै न्यूजिल्याण्डले श्रीलंकाविरुद्धको टेष्ट सिरिज २-० ले जितेको छ ।
टेष्टको चौथो दिन न्यूजिल्याण्डलाई जितका लागि मात्र ४७ रन आवश्यक थियो । केन विलियम्सन १०८ रनमा अविजित रहादै टीमलाई जित दिलाए ।
दोस्रो पारीमा न्यूजिल्याण्डले एक समय ११ रन जोड्दा २ विकेट गुमाएको थियो । तर श्रीलंकाले दिएको १८९ रनको लक्ष्य ५ विकेटको क्षतिमा भेट्टायो ।
विलियम्सनको वर्षको पाँचौ टेष्ट शतक बनाए, जुन न्यूजिल्याण्डका लागि रेकर्ड हो । साथै उनी एक क्यालेन्डर वर्षमा सर्वाधिक रन बनाउने न्यूजिल्याण्डका क्रिकेटर समेत बनाएका छन् ।
उनले न्यूजिल्याण्डका तर्फबाट ४६ टेष्ट खेलेका छन्, जसमा १३ शतक छ । यो सिरिजमा भने उनले २६८ रन बनाए ।
पहिलो पारीमा २९२ रन बनाएको श्रीलंका दोस्रो पारीमा १३३ रनमा अल आउट भएको थियो । न्यूजिल्याण्डले भने २३७ रन बनाएका थियो ।
No comments:
Post a Comment